-Напорите на директорката….
-Со голема поддршка на градоначалникот….
-Обезбедена донација од Германската влада од дури 5000 евра…
Ова е суштината која треба да стигне до граѓанинот кој што плаќа даноци и бира свои политички претставница да работат за доброто на сите… И тоа во објави преку социјални мрежи во период пред избори…
Дали ваквите објави се во насока на професионално информирање на граѓаните или уште еден обид за политичко додворување во пресрет на претстојните предвремени парламентарни избори оставаме да оценат нашите читатели.
Во продолжение ја пренесуваме реакцијата на опозициската ВМРО-ДПМНЕ во врска со овој обид (според нив) прикажување на посветеност во работата на актуелните надлежни власти во општината Виница во недостиг на поголеми инвестиции во детската градинка од страна на власта:
“Со огромни напори на директорката и голема поддршка од градоначалникот 😮, комплетирана е детската кујна во градинката.
Инвестиција од неверојатни 5 илјади евра со која се рекламиравме во ноември, се рекламираме денес и најверојатно уште неколку пати.
Но не можеме и да им најдеме некоја поголема забелешка, нема со што друго да се пофалат. Едноставна е работата. Нема инвестиции во детската градинка какви што имаше во периодот од 2010та до 2017та кога ВМРО ДПМНЕ ја имаше локалната власт во Виница 👇
https://www.facebook.com/516148198400423/posts/3200784739936742/
Да не бидеме сфатени погрешни, ниту ја потценуваме, ниту се потсмеваме за било која инвестиција колкава и да е таа, но начинот на кој се замајува јавноста, потценувањето на интелегенцијата на граѓаните и популизмот од локалните власти со начинот на кој се објавуваат е за секој потсмев.”
-стои во партиската реакција на Општинскиот комитет на ВМРО-ДПМНЕ Виница.


