Немоќта и неспособноста на власта во заминување предводена од Зоран Заев и СДСМ на полето на економијата, пред се, но и во сите други полиња на општествен живот во Македонија се повеќе од очигледни.
Руината на Македонската економија е логично продолжение на руината направена врз идентитетските обележја на Македонскиот народ од страна на измамата наречена со терминот на “с”.
Катастрофалниот стандард на живот во државата на Македонските граѓани резултира со зголемена сиромаштија за најголемиот број од населението придружена со економска миграција внатре во Република Мaкедонија но и надвор од државата. Дополнително особено карактеристична во изминатиот период е и појавата на т.н. политичка миграција на неистомислениците на власта на СДСМ странство. Се почести се иселувањата на поединци но и поголеми делови од цели семејства кои се економски подобро стоечки а сепак се одлучуваат да заминат во странство за таму да го продолжат својот живот стравувајќи од удар врз нив на корумпираниот систем воспоставен во државата раководена од СДСМ и Зоран Заев.
Не е нешто ново ако кажам дека економскиот геноцид врз Македонските граѓани е втора фаза од идентитетскиот геноцид кој што беше направен со противуставните промени на уставот н Република Македонија.
Во такви услови на негативенни резултати на воспоставената моќ, влијание и контрола врз Македонските граѓани, на власта во заминување не и’ преостанува ништо друго освен да го прави она што најдобро го знае и умее:
-Со удбашки методи да се обиде да влијае врз Македонскиот гласачки електорат за да извлече што поповолна положба за себе во однос на идно позиционирање на пратенички мандати во Македонскиот парламент.
Претходно пишував за воспоставените системски инструменти и методи за поделба на националното ткиво во државата во функција на одржување на власт на Зоран Заев и СДСМ, на штета на националните интереси на Македонскиот народ и граѓани слетствено на сите штетни политики кои ги спроведе власта во заминување на СДСМ во изминатите 3 години.
Во изминатиот период во јавноста особено на определени форуми на социјалните мрежи забележливо е присуството на неколкумина гласни поединци кои упорно и во континуитет ја пласираат тезата дека вина за моменталната состојба во која се наоѓа Република Македонија носи и опозиционата ВМРО-ДПМНЕ. Таквите мегафони на самопрогласени политички аналитичари “на народот” се обидуваат неуспешно и аматерски да се наметнат како т.н. “трет блок” на политичката сцена во Македонија за да (според нив):
– го вратат Уставот од 1991 година, -го поништат Преспанскиот договор,
-ја поништат Тиранската платформа,
– го поништат договорот за добрососедство со Бугарија
-ја ревидираат криминалната приватизација на општествениот капитал и слични други флоскули…
Содржината на флоскулите е во ред!
Но она што не е во ред е начинот, т.е. изгледите за успешност тоа да биде направено од таквите политички сили во најава на овој т.н. трет национален блок.
Неверојатноста за исполнување на овие упорно и гласно искажани заложби ги доведува до прашање чесните и искрени намери на нивните гласноговорници по однос на самите пропагандни флоскули кои гласно се афирмираат во јавноста.
Штетноста на нивната немоќ и политички аматеризам за остварување на прокламираните флоскули, оди до таа мера што со ваквата експлицитна националистичка реторика која ја афирмираат упорно во јавност, никако не оди на штета на клиентелистичкиот систем на Зоран Заев и СДСМ. Непознавањето на политичките процеси и односи во Република Македонија како и аматеризмот во однос на остварувањето на политичките интереси на одреден број на гласноговорници и прокламатори на овие идеи не ги оправдува нивните штетни постапки кои одат во тој правец на дејствување против нивните сопствени заложби.
Согласно воспоставниот систем на поделба во општеството на различни таргет групи кои што СДСМ го креираше во изминатите години, ваквата пропаганда на овој т.н. трет блок кој се прокламира себеси во јавност, внесува дополнителна основа за поделба во Македонското национално ткиво и потенцијал за ослабување на единствената политичка сила која може силно и енергично да се спротивстави на Зоран Заев со сите негови удбашки структури како и т.н. граѓански движења кои на крај на денот работат за кеширање на гласови на контото на СДСМ. Македонските гласачи имаат искуство во минатото во повеќе наврати со појавата на т.н. “трети блокови” кои секогаш биле на штета на ВМРО-ДПМНЕ.
Јас би отишол и чекор понатаму и би кажал дека овој систем на форсирано и испровоцирано формирање на овие трети блокови слободно може да биде патентиран изум на удбашките структури во Македонското политичко подземје кои своја генеза влечат од времето на поранешната СФРЈ, каде ваквиот систем на вештачка опозиција беше доведен до совршенство (т.н. градска и селска струја), на штета на граѓаните во државата.
Денеска во 2020 година ваквиот скапан систем повторно се обидува да се повампири, притоа во јавноста за себеси креирајќи убави шарени маски на активисти за борба на враќање на името на државата и се што следува понатаму.
Со тенденција за ситнење на опозицискиот фронт во државата овој т.н. трет национален блок пледира да освои еден до два пратеници на наредните предвремени парламентарни избори, со што ќе може само да ги задоволи политичките апатити на неколкумина луѓе кои гравитираат околу вака избраните пратеници и никако нема да може да прерасне во сериозна политичка сила за влијание во насока на остварување на првичните заложби кои и понатаму ќе останат само политички флоскули.
Дополнително што согласно постојниот изборен модел на шест изборни единици поголем број од гласовите што ќе ги повлечат кумулативно со себе ваквите кандидатски листи на т.н. трет национален блок, воопшто нема да бидат ефектуирани во пратенички мандати и ќе бидат дадени во празно на изборите.Од таа нивна борба која во јавноста наликува на несериозен расштиман оркестар, единствен политички профит ќе има Зоран Заев кој очекува да ја устоличи власта уште 4 години, во кои токму разрушените национални идеали за кои се бори овој т.н. трет блок во најава ќе бидат забетонирани до максимум.
Секој искрен и чесен Македонец кој срце го боли за Македонија и за слободата извојувана со огромен број на жртви во историјата, нека се огледа на зборовите на неколкумината гласноговорници на овој т.н. трет блок, нека го преиспита нивниот минат труд, политички кредибилитет и капацитет па слободно нека носи одлуки за сопственото политичко профилирање во иднина.
Време е Македонскиот народ да почне да победува за себе!
А не славно да “гине” за интересите на поединци!
Победата е неминовна.
Таа ќе биде уште поголема доколку има што поголема обединетост на Македонските граѓани наспроти политиките на Зоран Заев кој што е единствениот генератор на актуелната криза во Република Македонија.
Пишува: Кирчо Анастасов
