Каменичанецот Бошко Стаменковски по којзнае кој пат докажа дека нема конкуренција во Power lifting. Ова го потврди во рамки на својот настап на Светското првенство кое се одржа во градот Трутнов, Р. Чешка каде во дисциплината benchpress до 67,5 килограми повторно го обели образот на Македонија и ги израдува своите сограѓани од М.Каменица, освојувајки нов златен медал кој го придодаде на веќе богатата колекција од медали освоени на последните европски и светски натпреварувања во овој спорт. Последниот успех во Чешка е дотолку важен за Стаменковски бидејки тој во споменатата дисциплина постави и нов светски рекорд за натпреварувачи до 67,5 кг. Инаку, на Светското првенство Стаменковски беше единствениот претставник од Македонија поради кој вечерва македонското знаме на церемонијата на прогласување на победниците ќе биде највисоко развиорено.
