Заев, ако нема позитивна/усвоена референдумска одлука “за” вашиот Договор со Грција НЕМА ДА ИМА НИТУ УСТАВНИ ИЗМЕНИ!
Пратениците се должни да ја прифатат таа референдумска одлука како конечна и извршна!
Според чл.30, став 2 од Законот за референдум Собранието е должно во рок од 60 дена по објавувањето на резултатите од референдумот да го уреди прашањето, односно законот по кој се одлучувало на референдумот, ВО СОГЛАСНОСТ СО РЕЗУЛТАТИТЕ НА РЕФЕРЕНДУМОТ!
Оттука, единствено правило што ви преостанува да го следите е “We, the Citizens of the Republic of Macedonia.. are Sovereign!”.
Твојата селективна демократија, Заев, нема да ти помине!
Невозможно е работите да се тераат по твоите неуставни и незаконски правила, а според кои ако граѓаните го прифатат Договорот со Грција, ќе ја почитуваш нивната волја, а ако не го прифатат, институциите ќе терале понатаму?!
А чии се тие институции, те прашувам Заев? На граѓаните или твои?
Го разбирам хаосот и паниката во владините редови, и не сакам да бидам во вашата кожа ама вие самите сте си виновни за истите.
Вие си го одбравте патот на невладеење на правото уште од првиот момент кога дојдовте на власт па до денес!
Невладеењето на правото што го воспоставивте како принцип на вашето владеење ви го возвраќа ударот!
И кармата ви стана најголем непријател!
