Сара Џесика Паркер (родена 25 март 1965 ) е американска глумица и продуцентка, со портфолио на настапи на телевизија, филм и театар. Позната е по својата улога како Кери Бредшо новинар во весник, на рубриката за секс во телевизискиот серијал на HBO Сексот и Градот (Sex and the City); улога за која освои 4 Златни глобуси и 2 Еми награди. Сексот и Градот е популарна американска серија создадена од Дарен Стар. Премиерно е емитувана на HBO од 1998 до 2004, вкупно од шест сезони. Серијата е сместена во Њујорк и се фокусира на четири женски ликови. Сметана е за ситком, но има серијализирани приказни како во сапуница, како и драматични елементи. Серијата е главно снимана во Њујорк, во Силверкап студијата, но и во Менхетен.
Најпозната е по нејзината улога како Кери Бредшо, хероината од популарната ТВ-серија „Сексот и градот“. Но вистинската Сара е многу поразлична од ексцентричната њујорчанка која секогаш е сама и често се чуди со кој маж да ја помине вечерта ( но ако и вие сте мислеле така – одајте и признание на добрите актерски способности). Упорната работа и тешкото детство ја потиканле да успее во животот. Но, како се вели – тоа, што не те убива само те прави посилен, така и Сара тешкото детство ја мотивирало да стане голема ѕвезда. Крајниот резултат е жена создадена специјално за Бродвеј, надарена со трите карактеристики, кои таму се ценат највисоко: пејачки, танцувачки и актерски. И покрај тоа што нема потреба од пеење и танцување, благодарение на се попризнаените актерски способности, и интересни улоги нејзиниот статус на одлична глумица веќе е потврден. Но да збориме за нејзиниот лик како Кери Бредшо.
Кери Бредшо е еден од оние ликови од малите екрани кој едноставно засекогаш ќе биде дел од нашите мисли. Таа најмногу е позната по фактот дека постојано се води според своите емоции, како и дека го живее животот во целост, искористувајќи го секој дел од него до максимум. Погледнете ги следниве нејзини мисли кои ќе ве насмеат, но и во кои сме сигурни дека лесно ќе се пронајдете…
„Можеби на некои жени не им е судено да бидат скротени.“
„Потрошив 40.000 долари на чевли и сега немам каде да живеам? Дефинитивно ќе бидам една од оние стари жени кои живеат во своите чевли!“
„Ги сакам моите пари онаму каде што можам да ги видам – висејќи во мојот шкаф.“
„Никогаш нема да бидам жената со совршена коса, која носи бела облека и не истура нешто врз неа.“
„Не можев да разберам ниту еден збор од тоа што ми го зборуваше, но чувствував дека знам сè што е италијанско и некогаш би можело да ми притреба: Долче, Долче, Долче.“
„Да се биде сингл, порано значеше дека никој не ве сака, но сега значи дека сте многу секси и дека сте си дозволиле време за да одлучите каков сакате да биде вашиот живот и со кој би сакале да го поминете.“
„Ако никогаш повторно не ми се јави, секогаш ќе се сеќавам пријатно на него, како на идиот.“
„Убавината е минлива, но апартманот под кирија со поглед кон парк е засекогаш.“
„Порано мислев дека оние луѓе кои седат сами во кафуле и пишуваат на својот лаптоп се претенциозни лажливци, но сега знам дека станува збор за луѓе кои неодамна се вселиле со некого.“
„Велат ништо не трае засекогаш, соништата се менуваат, трендовите доаѓаат и си одат, но пријателствата никогаш не излегуваат од мода.“
„Кога знаеме дека куќата секогаш победува, зошто се коцкаме?“
„Ох, Боже, тој е онлајн! Дали може да ме види?“
„Можеби песимизмот е нешто што треба да го нанесуваме дневно, како кремата за лице.“
„Би сакала чизбургер, голем помфрит и коктел космополитан.“
„Имам стил и пантолони со монистри кои не се во мода.“
„Сродни души: Реалност или направа за мачење?“
„Премногу брзо се откривам – јас сум емоционално лесна девојка.“
„Мажите кои изгледаат премногу добро никогаш не се добри во кревет бидејќи едноставно никогаш не мора да бидат.“
„И бевме облечени од глава до пети во љубов… Единствениот бренд кој никогаш нема да излезе од мода.“
„Фактот е дека понекогаш е навистина тешко да одите во чевлите на сингл девојка – токму затоа и одвреме-навреме ни е потребна посебна личност која ќе ни го направи чекорењето малку позабавно.“
„Можете ли да стигнете до иднината ако вашето минато е сегашност?“
„Таму некаде постои уште еден мал чудак кој ќе нè сака, разбира, ќе ги бакнува нашите 3 глави и ќе направи да ни биде многу подобро.“
„Кога станува збор за врски, можеби сите ние живееме под стаклено ѕвоно и затоа не треба да фрламе камења.“
„Животот дава многу шанси да не успеете, што значи дека имате и многу шанси да успеете.“
„Највозбудливата, најпредизвикувачката и најзначајната врска од сите е онаа која ја имате со себе.“
„Во меѓувреме, сè што сакав да направам е да избегам.“
„Зошто поставувањето кравата околу вратот на мажот понекогаш е посекси дури и од нејзиното отстранување?“
„Не заборавајте најпрво да се заљубите во себе!“
