Јалови се нападите на ОО СДСМ Кочани на сметка на градоначалникот Папазов кога не знаат која река минува низ нивниот град!
Во свое соопштени членови на ОО на СДСМ од Кочани упатуваат неоснована критика на сметка на градоначалникот на општина Кочани Љупчо Папазов за неговото краткотрајно 8 месечно работење во кое се соочува со сериозни блокади и опструкции по партиски притисок на СДСМ кон вработените во локалните институции.
Очигледно под силен притисок и мотивирани од централата на СДСМ во Скопје која е во длабока криза на опстојување на власт во Владата, членовите на општинската организација на СДСМ во Кочани не бираат сретства за тоа “каде маваат”. Во ова соопштение “членовите од Кочани” на СДСМ го грешат името на реката која минува низ Оризари, што многу тешко може на некој кочанчанец да му се случи ваков кикс. Наместо името на реката Масалница, некој “кочанчанец” напишал “Мелница”!
Оваа “грешка” наведува на сомнеж дека некој кој не е од Кочани (од Скопје или некаде од друго место) ја менаџира фејсбук страницата на ОО СДСМ Кочани па прави ваква елементарна грешка. А целта е да се нападне градоначалникот Папазов по било која цена, за да повторно СДСМ профитира на сметка на развојот на општината на изборите кои следуваат!
Добро е што граѓаните на Кочани се свесни за ваквите манипулации на партијата која поради состојбата во која ја доведе државата на сите нивоа, е во огромна политичка криза и одамна ги има прочитано ваквите политики на СДСМ.
