По повод гостувањето на националниот ансамбл Танец во Австралија , го осудуваме однесувањето на нејзиниот прв човек, Мартин Вучиќ и неговата несозреаност за последиците од промената на именувањето на ова значајна културна македонска институција.
Секако дека политиката навлезе во сите пори на македонското опшество и го разгради националното ткиво. Токму затоа, секое претставување на Танец без придавката македонски не соодејствува со вистинските заложби на Македонецот во државата и во дијаспората. Во тој контекст го подржуваме најавениот бојкот на Македонците во Австралија а преку тој чин да се испрати порака до сите оние државни институции кои се вклопија и прифатија во преименувањето на државата и се на иста страна со сегашнава нелегитимна и насилно донесена влада .
За потсетување , со договорот од Преспа и преименувањето во северна, именката Македонија и Македонец повеќе не постои и придавките произлезени од нив, македонски , македонска . Згора на тоj чин, се откажавме од историјата и минатото и остануваме амфорна неидентификувана групација.
Токму затоа, зборовите на Мартин Вучиќ со кои објаснува дека ништо не се променило туку само една мала додавка, иницираат на недоволна национална и општа несозреаност, што е карактеристично за сите оние кои се заглавија во зајчевиот лавиринт.
Сега тој чин на бојкот се случува во Австралија, утре ќе биде исто и во Европа, Канада и Америка.
Што би рекле, на запад ништо ново!
14 ноември, 2019
Координативно Тело на Македонците -Европа
-Пренесено интегрално соопштение
