Ветувањата на СДСМ во 2016 година беа дека кога ќе дојдат на власт ќе изградат нов 400 kV далекувод кон Косово и ќе обезбедат стабилно поврзување на нашиот оператор АД МЕПСО со Косово. Изградба на нова 400 kV врска кон Косово не е ниту во фаза на проектирање, а камо ли во фаза на изградба.
Исто така ветуваа нов 400 kV далновод Битола – Елбасан (Албанија). Изградбата на овој далновод заедно со новата 400 kV трафостаница Охрид, сега требаше да бидат во завршна фаза со што ќе се засилеше
преносната мрежа во битолско-охридскиот регион, како најслаба точка во електро-енергетскиот систем во Македонија.
Сега повторно имаме избори и СДСМ ги ветуваат истите проекти. Без срам го лажат народот. СДСМ не само што не можат да обезбедат инвестиции и развој на електропреносниот систем, тие не се способни ниту да го одржуваат истиот.
Јавноста мора да знае дека при одржување и реконструкција на 110КV далновод во околината на Штип во декември 2019 година е предизвикан пожар поради непочитување на Законот за градење со што е нанесена материјална штета од 21 милиони денари. Недозволиво е нестручни лица ангажирани по “ усмен договор” од страна на приватна фирма која е под договор на АД МЕПСО, да извршува реконструкција на електропреносниот систем на Македонија.
Несериозен и нестручен однос на СДСМ кон нашите енергетски компании е недозволиво и навредливо. Уште понавредливо е со лажни ветувања да бараш подршка од народот. Мораме да ставиме СТОП на лагите и манипулациите на СДСМ. На 15ти Јули, масовно да излеземе на гласање и да избереме иднина за Македонија!
Обновата доаѓа!
Комисија за енергетика на ВМРО-ДПМНЕ


