NBA кошаркарската жива легенда и миленик на многу генерации заљубеници во кошаркарската магија, Мајкл Џордан со пригоден говор ја отвори својата втора здравствена установа во која ќе се пружаат здравствени услуги за пациенти без здравствено осигурување.
Само пред две години Мајкл Џордан објави дека ќе донира 7 милиони долари за изградба и отварање на две медицински установи, а пред две недели овој негов сон стана реалност.
Сопственикот на кошаркарскиот клуб Charlotte Hornets на тој начин сака да се оддолжи на заедницата.
Локацијата на оваа болница не е случајна. Џордан одбра да возврати на градот во кој што е роден и градот кој што го оформил него како личност за да тргне по патот на успехот. За време на особено емотивниот говор тој сподели солзи на своето лице со присутните соопштувајќи:
Ова е особено емотивно за мене што можам да возвратам на заедницата која што ми пружаше поддршка повеќе години наназад.
Лоцирана во делот од градот каде што живеат жители со пониски примања, оваа клиника ќе пружа услуги за непривилегираните граѓани кои што немаат здравствено осигурување.
Во 2014 година во истражување спроведено од страна на Харвард универзитетот градот Шарлот бил рангиран на 50-то (последно) место од 50 исптражувани градови во економска мобилност за децата родени во сиромаштија.
Верувам дека твојот поштенски код или маалото во кое си роден не треба да го одредуваат квалитетот на твојата здравствена заштита- или дали воопшто можеш да добиеш здравствена заштита.
-рече Џордан во неговото обраќање пред присутните.
Клиниката ќе има на располагање 12 соби-диспанзер, Ренген сала и простор за физикална терапија. Покрај тоа што ќе се грижи за здравјето на пациентите клиниката ќе има и социјален работник со намена за социјална поддршка на посетителите на клиниката.
