Со голот на Дејан Манасков во последната секунда на натпреварот, Македонија го победи Исланд со 34:33 во квалификациите за Европското првенство во 2020 година.
Манасков го заврши мечот и како најефикасен играч во македонската репрезентација со осум гола, еден повеќе од Гоце Георгиевски, Кире Лазаров постигна шест, а одличен беше и Филип Талески со пет погодоци од кои четири во второто полувреме.
Реваншот меѓу Македонија и Исланд е во недела (20 ч.) во салата „Борис Трајковски“.
