Во текот на вчерашниот ден повеќе вонпарламентарни политички субјекти со почеток во 12.00 часот одржаа своја прес конференција со цел потпишување на Меморандум за Соработка и Координација за измени на Изборниот Законик.
Овие политички субјекти според соопштението кое пристигна до нашата редакција од организаторите на настанот се обединети околу идејата за промени на политичките текови и досегашна изборна постапка како македонските вонпарламентарни опозициони антисеверни партии.
“Во присуство на одредени медиумски куќи, лидерите на споменатите партии и движења поддржани и од Координативното Тело на Македонците во Европа и светот, ја изразија својата политичка определба за драстични промени на македонската политичка сцена преку менување на досегашниот Изборен закон, со кој недвосмислено се заштитуваат и привелигуваат “големите “ партии во досегашното три децениско политичко опстојување.
Овој настан е од посебно значајно за иднината на македонската држава, бидејќи со најавениот предложен Изборен Законик, се отвора можноста за валидирање на секој глас како и скратување на можноста да едно етничко малцинство ја користи привелегијата со помал број на добиени гласови добие пратеник за разлика од мнозинскиот народ.
Овој денешен момент е круцијален и од перспектива на идно политичко анти Преспа размислување и дејствување , бидејќи сите потписници на Меморандумот се со иста цел, раскинување и поништување на северната вештачка творба и анти демократските договори произлезени од неа.
Овој политички вакум досега невешто и неискрено не умеа да го искористи ниту една македонска парламентарна сила, па оттаму се и надежите и реалните можности за освојување на политичкиот изборен електорат кој се пронаоѓа во погоре изнасените цели и вредности.
Обединување околу конкретни мерки и цели на македонските национални партии, сили, движења се очекува во периодот што ни престои и припрема за наредните предвремени парламентарни избори.
Никогаш северна,
Секогаш Македонија !”
-стои во соопштението на организаторите на настанот.
