Претседателот на ВМРО-ДПМНЕ Христијан Мицкоски во својата изјава за јавноста по лидерската средба во претседателската вила Водно ги коментираше аспектите на ВМРО-ДПМНЕ во однос на актуелните состојби, пред се поврзани со одржувањето на Предвремените парламентарни избори за кои опозиционата партија се избори да се одржат.
Мицкоски го наметнал прашањето за отварање на процесот за повторно ажурирање на избирачкиот список вклучително и на оној на Македонската дијаспора за да може повторно да се пријавуваат за гласање во ДКП-ата.
Во продолжение го пренесуваме овој дел од неговата изјава
Што се однесува до денешната лидерска средба има втора откако беше воведена вонредната состојба во Македонија, зборувавме околу предизвиците, анализиравме, предлагавме можни датуми и сето она што како ВМРО-ДПМНЕ на денешната средба го кажавме се водеше од фактот како можеме да го заштитиме здравјето на граѓаните, како може здравјето на граѓаните да не биде доведено во опасност и како можеме да излеземе што е можно посериозни пред граѓаните во насока на тоа да одредиме дата, а притоа ризиците да бидат минимални. Се родија многу нови правни дилеми кои што луѓето кои што беа присутни на денешната средба ги eлаборираа, она кое што исто така сакам да го кажам е ВМРО-ДПМНЕ ја постави дилемата за повторно ажурирање на дијаспората и можноста за гласање бидејќи се ускратува уставно загарантираното право на лицата кои што во меѓувреме од последниот пат до денеска навршиле 18 години да бидат ажурирани и да можат да гласаат. Поразговаравме отворено за сето она што ние како ВМРО-ДПМНЕ го антиципиравме, пред нас ги имавме извештаите кои што морам да признаам ме разочараа, а тоа се извештајот од Комисијата за заразни болести каде што во четири точки отприлика беше пренесена сето она кое што го имаме во минатото слушнато, уредбите, растојание од еден и пол до два метри како препорака, да носиме маски, да носиме ракавици, да ги миеме рацете. Прилично неочекувано за мене иако да бидам искрен очекував дека ќе бидат малку подетални, ќе бидат малку повеќе отворени во писанието бидејќи тоа што ни го напишаа дента претходно го слушнавме од неколку политичари од власт и од самиот господин Заев.
Во продолжение погледнете ја целата изјава на Претседателот на ВМРО-ДПМНЕ Христијан Мицкоски како и неговите одговори на новинарски прашања во врска со темите од лидерската средба:


