Советниците на СДСМ на кои им се придружија независни советници во Советот на општина Македонска Каменица загрозуваат тек на реализација на капитални проекти за граѓаните, плати за наставниците, ја опструираат работата на општината…Градоначалникот Атанасовски не потклекнува на уцените, решен да ги реализира предвидените проекти за граѓаните.
На последната седница на Советот на општина Македонска Каменица советниците на СДСМ и тројца независни советници гласаа воздржано со што не помина Одлуката за носење на ребаланс на Буџетот на општина Македонска Каменица.
На овој начин е доведено во прашање зголемувањето на платите за наставниците во образованието, се прави обид да се блокира изградбата на капиталните проекти, со намера општинската администрација да остане без електрична енергија наспроти потребите на граѓаните…
И покрај ваквите обиди на советниците на СДСМ и независните советници, Градоначалникот на општината е решен да ги реализира проектите од програмата која ја поддржаа граѓаните на Македонска Каменица.
“Нема да потклекнеме на било која уцена или притисок од поединци на кои им се приоритет лични интереси. Она што советниците кои гласаа воздржано остава десетици сограѓани на улица без работа во ек на огромна криза е одлика на нивната политичка определба која од централно ниво се пресликува на локално,”
-соопшти Градоначалникот на Македонска Каменица Димче Атанасовски за јавноста.
Коалицијата на СДСМ во ненародната влада, на ваков начин се пренесува на локално ниво во Македонска Каменица со што го покажува своето вистинско лице наспроти интересите на граѓаните.
И покрај овие обиди за блокада на работењето на градоначалникот Атанасовски од страна на СДСМ и нивните поддржувачи, тој ги уверува граѓаните дека проектите од програмата која ја поддржаа на ланските избори ќе бидат реализирани во целост.
“На последните локални избори победи Програмата на ВМРО ДПМНЕ и таа ќе биде реализирана. Минимум два големи проекти годишно ќе бидат реализирани, без разлика на тоа што некој упорно се обидува да ги девалвира. Македонска Каменица ќе има нов спортски комплекс, нови улици, нови парковски површини, девеесет проценти од патиштата во руралните средини каде ги нема ќе бидат изградени, ќе има старт на изградба на нова општинска зграда, нов ценгар за општински услуги кој ќе биде во функција на младите претприемачи, уредена индустриска зона, золемени социјални трансфери кон најзагрозените, зголемени средства за ученици и студенти, силна и предвидлива поддршка за спортските клубови, нови фасади на колективните објекти за домување, субвенции за промена на врати и прозорци, фотоволтаици на јавните објекти, реконструиран Здравен дом , дигитализирани општински услуги.
Ќе докажеме дека со ист буџет како и претходно, ние знаеме и ќе направиме разлика.
Вас тоа ве плаши, па со различни изговори се обидувате да ги блокирате институциите и измислувате најразлични приказни. Без трошка совест, во ек на невидена енергетска и економска криза оставате десетици луѓе без работа. Уништувате каде ќе стигнете, што беше практика во цел претходен мандат на локалната СДСМ.
Времето ќе покаже кој бил во право, кој не.
Го блокиравте ребалансот, свесни дека повеќе простор за негово усвојување нема. Впрочем веќе е време за подготовка на буџет за 2023 година.
Бидете сигурни дека ќе продолжиме уште попосветено и дека ќе најдеме решенија. Јасно ни е дека не сте на страната на граѓаните, но ние сме подготвени и за најцрните сценарија кои ги подготвувате во вашите политички кујни.
Така е, не сме на иста страна, и тоа нема да не натера да потклекнеме под бил каков притисок или уцена.
Ќе изградиме модерна општина и секое дадено ветување ќе го исполниме,”
-соопшти за јавноста Градоначалникот на општина Македонска Каменица Димче Атанасовски.
