Творештвото на Блаже Конески во многу свои сегменти е од особено значење за Македонскиот народ. Но се чини неговите стихови се тие кои што му ја даваат најголемата монументалност на овој творец.
Во продолжение проследете ја нарацијата на неповторливата песна “Тишина” од Блаже Конески во изведба на актерот Васил Зафирчев.
Видео записот е дело на студентите од ФДУ по предметот Филмско и ТВ снимање а монтажата е на Драган Спасов Дац.
Тишина
од Блаже Конески (чита Васил Зафирчев)
Има нешто многу просто
И тоа е тишина,
Има нешто толку тихо —
Вишина, ах вишина.
Легни спрема ова небо,
Тони во височини,
Склопи очи, склопи очи,
Уморен си, почини.
Сека птица, сека птица
Ќе го свие крилото.
Ти си сега толку мирен,
Сам во зеленилото.
Зошто уште, зошто тоа
Секидневно збивање?
Има нешто многу просто —
Тоа е заспивање.
Чита: Васил Зафирчев
Актер: Григор Јовановски
Камера: Марјан Петковски
Монтажа: Драган Спасов – Дац
Режија: Борјан Стојков
ФДУ 2019 Скопје
