Статус на фејсбук на историчарот и политички аналитичар Никола Србов во врска со Преспанскиот Договор кој што е предмет на усвојување на претстојниот Референдум во недела:
Остануваат уште неколку денови да го прочитаат договорот оние кои тоа не го сториле. Освен ВМРО ДПМНЕ која ги презентира фактите од договорот, а која нема медиумски простор колкав што има власта, ниту една друга политичка сила не говори за фактите.
Димитов, три дена пред референдум, сега решил да вади точки од договорот на прес конференција. Доколку договорот беше добар, како што велат од власта, целата нивна кампања ќе се базираше врз она што е запишано во тој договор, точките од договорот ќе ги знаеше целиот народ на памет. Но со самото тоа што гледаме дека власта води кампања со лаги и флоскули од типот „бесплатно здравство“ и „мед и млеко“, ни дава до знаење дека ни тие самите не сакаат граѓаните да го прочитаат документот кој го потпишале.
За оној дел од народот кој пак го прочитал договорот си циркулира кампања со предвидувања на црни сценарија, закани за војни, дестабилизации, отцепувања, итн.
Колку што ме држи меморијата, пред да дојде СДСМ на власт никој не говореше за војни, отцепувања, федарации, итн.
Секој треба да прочита што потпишала Владата во „негово“ име!
