Основниот проблем сега со коронавирусот е што Македонија не тестира доволно, а тоа е препораката на Светската здравствена организација која вели „Тестирај, тестирај, тестирај“
Причините поради кои не се врши тестирање се:
Прво во Македонија нема доволно персонал зошто не се инвестирало во такви луѓе. Второ, нема доволно реагенси. Трето, и да има и персонал и реагнеси нема машини доволно. Во моментов такви машини има само во Институтот за јавно здравје. Зошто не набавило министерството? Затоа што го местеа тендерот за биохемиски лаборатории да го дадат на фирма која имаше 27 годишен сопственик. Да поминеше тендерот како што требаше, а не да се одеше со централизација во оваа област, во Македонија ќе имаше барем на 20 места машини.
Луѓето чекаат 7 до 10 дена резултати од тестирањето. Тоа е тажната вистина, а имам информација дека преку 800 луѓе чекаат резултат
Ова денеска го соопшти Потпретседателот на ВМРО-ДПМНЕ Александар Николоски преку свое соопштение во јавноста.
За ова како и за други актуелни прашања Потпретседателот на опозициската партија говореше и во синоќешната емисија “Заспиј ако можеш” која се емитуваше на АЛФА ТВ.
