Потпретседателот на ВМРО-ДПМНЕ Александар Николоски денеска како дел од највисоката партиска делегација предводена од Претседателот Христијан Мицкоски ја имаше честа да се сретне со Министерот за надворешни работи на Унгарија, Петер Сијарто.
Притоа Николоски ја изрази својата најискрена благодарност кон унгарските власти за укажаната помош на Македонскиот народ во овие моменти кога е најтешко на народот и државата.
Длабокото пријателство кое постои и се надградува меѓу Македонија и Унгарија за Потпретседателот Николоски претставува особена гордост која и во иднина ќе се негува и развива.
По повод оваа средба и укажаната помош Николоски упати во јавноста и своја искрена реакција која ја пренесуваме во продолжение:
“Македонија е во многу тешка состојба, тоа е резултат и на пандемијата, но и на неснаоѓањето на надлежните и одговорни лица. Во овие тешки моменти потребни се силни пријатели. Ние сме особено горди што имаме пријател како Унгарија и пријателството ќе го негуваме и во иднина.”
Личниот ангажман на Министерот Сијарто при доставата на хуманитарната помош, според Николоски е доказ за посветеноста на унгарските власти за искрена поддршка на Македонскиот народ од страна на унгарските власти
Големите пријатели се познаваат на мака!
Петер Сијарто со помош за справување со короната.
Лично дојде и со тоа покажа дека е со Македонија! Прв висок европски претставник во посета на Македонија. Горд сум што тоа е на барање на ВМРО-ДПМНЕ. Без разлика дали сме власт или опозиција приоритет е помош на граѓаните на Македонија!
-напиша на фејсбук Николоски.
Притоа во изјава за јавноста Николоски ја истакна го обзнани фактот дека ваквата подадена рака од страна на унгарските власти кон Македонскиот народ кога цела Европа се соочува со несогледливи потешкотии се должи на долготрајната соработка меѓу опозициската ВМРО-ДПМНЕ со сестринската владеачка партија Фидеж во Унгарија.
Унгарија реши денеска да и помогне на Македонија, тоа се должи на соработката и комуникацијата со унгарскиот премиер, што значи дека ВМРО-ДПМНЕ е спремна и од опозиција да помага на македонските граѓани.
Пријателите се секогаш потребни, на маката на народот се познаваат пријателите, за жал Македонија е погодена од оваа пандемија на коронавирусот којашто прави здравствени и економски проблеми, економските проблеми зе огромни, здравствените проблеми се исто така огромни, малку држави се спремни да подадат рака, Унгарија денеска се реши да подаде рака на Македонија.
-соопштува Потпретседателот на ВМРО-ДПМНЕ Александар Николоски.
