Вo интервју за порталот “Република на англиски” Потпретседателот на ВМРО-ДПМНЕ одговори на повеќе прашања кои се однесуваат на најважните теми од дневнополитичките активности на партијата но и стратешките определби на ВМРО-ДПМНЕ и сегашното партиско раководство.
Во одговор на едно од прашањата поврзано со масовните апсења кои што од една страна ги спроведува власта врз свои политички неистомисленици како и драконските казни изречени врз поединци а од друга страна ја избегнуваат одговорноста во своите редови на највисоки политички функции во државата, Потпретседателот Николоски ваквата состојба ја подреди во контекст на европските вредности како негативна појава која мора најодлучно и итно да се сузбие.
Прашање на Република на англиски:
Во изминатите три години сме сведоци на масовно апсење на претставници на опозицијата, драконски казни за едната страна, додека политичари од другата страна избегнуваат одговорност независно од сериозноста на делата што ги сториле и јасните, јавно достапни докази против нив. Во која мерка ваквото нееднакво спроведување на законите придонесе кон октомвриското фијаско во Брисел?
Одговор на Александар Николоски:
Европски вредности не се нарачување на пресуди и кривични пријави. Во ЕУ не се влегува со нула реформи во правосудството и непринципиелен брак помеѓу власта, судството и обвинителството. Реформи во правосудство нема со ослободување на Зоран Заев за случајот Поткуп, односно сето тоа што ние го слушнавме и видовме, како Заев бара евро за црквата и евро за брат, му не постои. Градоначалник тепа граѓани и за тоа поминува со опомена, а од друга страна се покрените илјадници обвиненија против членови на ВМРО-ДПМНЕ. За вакви работи е информиран Брисел, и во повеќе наврати сум кажал, светските лидери не сакаат да седат на иста маса со криминалци и бандити од калибарот на Зоран Заев и компанија. Да ја потсетам јавноста дека најпрво Вице Заев, а потоа и неговиот брат Зоран Заев ме тужат мене за клевета. Вакво нешто може да се случи само во Македонија и пред некое време истото го направи блискиот пријател на Заев, премиерот на Албанија Еди Рама, кој исто така тужеше за клевета. Со ваков пристап и вака нарачани пријави и пресуди не се придвижува државата напред.
Остатокот од интервјуто на Александар Николоски со важни прашања за Македонските граѓани прочитајте го тука.


