Оставките на директорите на јавните претпријатија Исар и Стипион ги очекувам после 15 ноември, кажа градоначалникот Благој Бочварски на прашањето кога да се очекуваат кадровски смени.
Бочварски истакна дека поради тоа што се уште не е завршен изборниот процес не може да врши никакви кадровски промени на раководните позиции. Тој очекува до 15 ноември ДИК да изјави дека локалните избори се конечно завршени со што ќе може да почне смената на директори.
На прашањето кога да се очекуваат нови директори во образовните институции, Бочварски изјави дека нема потреба од брзање. Со секој од директорите тој во наредниот период ќе се сретне и ќе го договорат начинот на извршување на овие промени. Бочварски истакна дека во некои училишта директорите се со истечен мандат и таму процесот на промени побрзо ќе се одвива во останатите училишта и ќе се запазат законските прописи за назначување на директори.
Кадровски промени и екипирање на тимот во најбрз можен рок се очекува и во локалната администрација.