Денеска градоначалникот на општина Виница Миле Петков присуствуваше на свеченоста по повод одбележувањето на аптрониот празник на ООУ “Никола Парапунов” во селото Драгобраште, виничко.
Градоначалникот Петков заедно со претставници од училиштето положија букети со свежо цвеќе пред споменикот на Македонскиот револуционер Никола Парапунов од времето на Втората Светска Војна по што ја проследија свечената културно-уметничка програма подготвена од учениците во училиштето.
“Денес основното училиште ,,Никола Парапунов” – с. Драгобраште го одбележа својот патронен празник. За овој настан учениците и нивните ментори подготвија едночасовна програма која се состоеше од музички и драмски изведби.
По овој повод со положување свежо цвеќе на бистата во училишниот двор му одадовме почит на нивниот патрон и македонски револуционер и истакнат организатор и раководител на партизанското антифашистичко движење во Пиринскиот дел на Македонија.”
-соопшти Градоначалникот Петков во врска со овој настан во јавноста.
