Официјалните портрети на Барак и Мишел Обама на почетокот на февруари беа откриени во Националната галерија на портрети на Смитскониан институцијата.
По уникатноста на овие портрети ова беше навистина невообичаено доживување за целокупната американска но и светска јавност.
Овие портрети говорат за силата и прогресот. Тие ја прекинуваат традицијата на темни и мрачни претседателски портрети. По се се разликуваат од нивните претходници и што е уште поинтересно портретите на Барак и на Мишел се направени од различни уметници во различни стилови.
Цртањето на овие претседателски портрети е вообичаено досадна и секогаш рутинска работа, но не и сега. Нивните портрети го привлекоа широкото внимание по тоа што не само што Мишел и Барак се првата-афро-американска претседателска двојка на САД, туку и по тоа што уметниците на нивните портрети се исто така афро-американци.
Портретот на Барак е создаден од уметникот Кехинде Вили, кој што е претставник на Њу Јорк уметничката сцена кој што е познат по своите портрети и крајно натуралистичните слики на авро-американци. Вили го нацрта Барак како седи на стол, не не во вообичаеното опкружување во неговата претседателска канцеларија туку во средина која многу потсетува на градина. Цвеќињата кои што се наоѓаат распослани на неговата слика всушност имаат подлабоко значење и се поврзани со различни моменти од животот на Обама
Мишел Обама ја избра Ејми Шералд за да го создаде нејзиниот портрет. Ејми е уметник од Балтиморската сцена а нејзината уметност започнала првенствено како автобиогравска но потоа добила социјален контекст.
Портретот на Мишел е во вообичаен стил, со темна сребреникава кожа на Мишел на пастелна позадина. Единственото невообичаено нешто е фустанот на Мишел со едноставни геометриски форми на него.
Целиот фокус е на ликот на Мишел кој што зрачи со смиреност наспроти портретот на Барак кој е гласен, обоен и експресионистички.
И ден денес овие портрети го привлекуваат вниманието на американската и светска јавност со својата уникатност и посебност.
