Огромен број наталожени проблеми се надвиснати над работните плеќи на делчевските земјоделци.
Според нивните прашања, барања, проблеми и дискусии на работната средба со Заменик Министерот за земјоделие, шумарство и водостопанство на Република Македонија, се гледа зошто земјоделието е најзапоставената гранка од страна на властите во државата.
Денеска на работната средба на делчевските земјоделци во делчевското село Град со Цветан Трипуновски беа изнесени поголем број на проблеми со кои се соочуваат земјоделците кои беа присутни на оваа средба во нивното секојдневие со Заменик Министерот:
-Овоштарите кои ги имаат најголемите проблеми во изминатите три години посочија дека покрај тоа што цената за откуп на пијанечкото модро злато- пијанечката модра слива во последните две години е доведена до апсурден минимум. Самите земјоделци посведочија дека за 2016 година цената на модрата слива достигнувала до 25 денари по килограм додека минатата 2019 година големи количини на сливи останаа на нивите, со оглед на малата цена од 5 денари за предаден килограм слива. Земјоделците посочија дека со 3-те денари кои ги плаќаат на берачите на слива по килограм, на нив како производители им останувале лани само по 2 денари од килограм што е цена далеку под произвотствената.
Дополнително земјоделците од делчевскиот крај се пожалија на Заменик Министерот на неисплатените сретства за штетите од мрзнење кои имаат настанато уште во 2016 година, за што бил подготвуван елаборат од страна на комисија за проценка на штата.
Според овој елаборат станува збор за поднесени околу 640 барања за пријавена штета која според елаборатот е проценета на нешто помалку од 60 милиони денари. До ден денес институциите и ресорното министерство се нема изјаснето за плаќање на овие штети. Ваквите штети од мрзнење се повторуваа и наредните 2 години со што производството на овошните насади кои се во огромни површини е доведено на ниво на колапс.
Дополнително земјоделците реагираа за исплатата на субвенциите по различни основи за нив како сточари и како полјоделци. Се пожалија на неефикасноста на административните работници во Подрачната единица на Министерството за земјоделие, шумарство и водостопанство, како и недостигот на информации во врска со процедурите за остварување на нивните права од државата.
Исто така земјоделците реагираа на нефер односот на државата кон нив како стопанственици во поглед на остварувањето на правата за наплата на побарувањата во смисла на доцнење на исплатата на субвенциите и немање на никакво известување во разумни рокови во однос на остварените или неостварените права, додека државата е ефикасна во наплатата на своите побарувања од земјоделците преку извршувања и слични методи на присила.
Заменик Министерот Трипуновски внимателно ги ислуша сите проблеми на земјоделците кои беа присутни на работната средба во селото Град и ја истакна својата заложба дека е на располагање на било кој земјоделец за било каков проблем со чие што решавање же се надминат проблемите на самите земјоделци.
Во продолжение ја пренесуваме интегрално изјавата на Заменик Министерот за земјоделие, шумарство и водостопанство на Република Македонија Цветан Трипуновски дадена од центарот на селото Град во Делчево:
