Жителите на руралната општина Лозово во најголема мера егзистираат од земјоделието. Вчерашното невреме проследено со врнежи на големи зрна на ледени топчиња град ги уништија посевите на територијата на целата општина со што граѓаните се наоѓаат во очајна безислезна ситуација за нивната основна егзистенција.
Граадоначалникот на општина Лозово Бошко Цветковски доцна синоќа беше на првичен увид на состојбата на терен која што е повеќе од поразителна.
Од она што може да се види на терен на удар на ледените зрна со големина поголема од зрно орев беа житните посеви, лозјата, овоштарниците, пластениците, но пострадале приватни движни и недвижни ствари на граѓаните.
“Земјоделието е единственото нешто од што егзистираат граѓаните на Лозово
100% УНИШТЕНО
Уништени жита, тутуни, лозја, овоштарници, возила, пластеници… СЕ“
-соопшти синоќа градоначалникот на Лозово Бошко Цветковски.
Дали надлежните централни власти ќе излезат на терен за проценка на состојбата и пружање на помош на земјоделците и сите граѓани на Лозово останува да видиме во претстојниот период.
Во текот на вчерашниот ден Министерот за земјодели Љупчо Николовски се пофали со дејствувањето на воздухоплов за превенција од град, но очигледно регионот на Лозово не бил соодветно третиран со оваа мерка на земјоделските власти.
