Опозициската ВМРО-ДПМНЕ во Делчево како израз на револт на антимакедонските политики на актуелната власт предводена од СДСМ во државата, со сите предавства на кои бевме сведоци на штета на МАкедонскиот национален идентитет во минатото, нема да биде дел од официјалната програма за одбележување на годишнината од кревањето на Илинденското востание во 1903 година и годишнината од одржувањето на Првото заседание на АСНОМ во 1944 година, која што ја организира општина Делчево.
“Како револт на анационалните и антимакедонски политики на актуелните власти предводени ид СДС како на локално така и на национално ниво, ние како општински комитет на ВМРО-ДПМНЕ Делчево нема да се придружиме на лицемерната прослава по повод 2-ри Август, Илинден. Како горди следбеници на делото на славните Илинденци и АСНОМЦИ, ние од општинскиот комитеt на ВМРО ДПМНЕ Делчево ќе реализираме посебен настан за одбележување на 2-ри Август Илинден со почеток од 09.30 часот пред споменикот на Македонскиот великан Гоце Делчев во Делчево.”
-соопшти Претседателот на Општинскиот Комитет на ВМРО-ДПМНЕ од Делчево Иван Гоцевски.
