Во фокусот на локалната власт во Виница е спроведување на активности за засилена урбанизација на делови од општината каде што е потребен развој и ширење на инфраструктурата за потебите на граѓаните и стопанството.
Наспроти целосната стагнација на процесот на урбанизација во изминатите мандати на градоначалници, актуелниот градоначалник Миле Петков во своите програмски определби посветува огромно внимание на ваквите проекти кои што го дефинираат развојот на Виница за наредните 10-15 години.
Урбанизацијата како процес е важен сегмент во кој што на максимално транспарентен начин граѓаните а особено засегнатите страни имаат потреба да бидат информирани и да земат учество преку разните форми на соработка кои им стојат на располагање во општината.
“
Со засилено темпо и максимален ангажан работиме на донесување на детални урбанистички планови за делови од град Виница и населените места. Урбанизизацијата е сложен и комплексен процес, но истовремено и основа за опшествено-економскиот развој на општините, кој за жал изминатите години во Општина Виница беше запоставен.
Денес се одржа јавна презентација на уште еден урбанистички план, Деталниот урбанистички план за Блок 15 Дел 3 за град Виница. Предметниот плански опфат е со вкупна површина од 1,97 хектарри и се наоѓа помеѓу ул. Крушевска Република, ул. Пиринска, ул. Ѓорѓи Сугаре и ул. Сава Ковачевиќ.
Времето на излагање на планот трае 30 дена заклучно со 10.11.2022 година. Во определениот рок заинтересираните правни и физички лица своите забелешки, предлози и мислења можат да ги донесат на посебни анкетни листови, кои можат да ги добијат во Општински центар за услуги при Општина Виница или на следниов линк https://www.vinica.gov.mk/index.php/15-soopshtenie/394-15-3, во електронска форма преку информацискиот систем е-урбанизам.”
-информираше градоначалникот во текот на вчерашниот ден во врска со овие тековни активности.
За повеќе информации сите лица можат да се обратат во Одделението за урбанизам во просториите на Општина Виница.
