Македонскиот весник “Македонија” кој се издава во Канада упати остра реакција до Агенцијата за иселеништво на “самонаречената Република (терминот на”с”) Македонија” кое го пренесуваме во целост:
Ние сме Македонци од Македонија и зборуваме Македонски јазик!
ОТВОРЕНО ПИСМО ДО АГЕНЦИЈАТА ЗА ИСЕЛЕНИШТВО НА САМОНАРЕЧЕНАТА РЕПУБЛИКА (терминот на”с”) МАКЕДОНИЈА
Агенцијо за Иселеништво на самонаречената држава насилно и без волјата на Македонците Не ве признаваме, не ве препознаваме, се срамиме од вас!
Ова се само дел од огорчените секојдневни реакции на читателите на весникот ,,Македонија,, од Торонто Канада кој патем ги претставува Македонците од сите некогашни и сегашни делови, а нема Македонец на земјината топка кој не знае до каде е Македонија, до каде се зборува, пее и игра на македонски.
Се дрзнавте неодамна да преземете содржина која е комплетно авторска на весникот ,,Македонија,,. Се работи за текст и фотографии од македонскиот павилјон на мултикултурниот фестивал Карасага претставен од црквата Св. Илија од Мисисага, своеволно сте копирале (само неколку) иако ги имаше многу фотографии и на секоја втора беше развеано знамето од Кутлеш, нашето шеснаесеткракото, кое мислевте лесно ќе го згазите и фрлите во заборав, постапка рамна на самоубиство, исто како да сте рекле ве нема повеќе -НЕ ПОСТОИТЕ. Но, како во песната ,,Велат не нема ама еве сме,, тука сме, постоиме и гордо го вееме националното знаме, послушајте ја, засрамете се од себеси, од родот македонски.
До македонската заедница во Канада (до која освен до вашите малкумина истомисленици) немате пристап, тоа е и писмено потврдено, при последното барање на министерот за дијаспора Адеми за посета на македонските православни цркви во Канада. Тие како духовни и културни центри на Македонците одбиваат било каква соработка и забрануваат официјални посети на министри од сегашната одродничка влада.
Ако сте решиле да преземате, сте можеле и да погледнете во содржините на фејзбук страницата на весникот,,Македонија,, кои зборуваат и илустрираат настани во кои се вклучени Македонци од Вардар, Егеј, Мала Преспа, Пирин… вака само прекројувате вести по ваша мерка како впрочем се’ што правите, спротивно на волјата на македонскиот народ.
Срамно и недопустиво, како може некој да претставува државна институција со која немаме никаква соработка без дозвола да презема вести од животот на Македонците во Канада со цел да ја прикаже својата наводна успешност, а кога и самите знаете за злото и болката што им ја нанесовте на Македонците ширум светот??!
Соработка со вас нема да дозволиме, ниту сега ниту во иднина.
Ние сме Македонци од Македонија и зборуваме Македонски јазик.
Превземено од фејсбук страницата Весник “Македонија”
