За првата година од мандатот на градоначалниците од редовите на ВМРО-ДПМНЕ беше остварен огромен успех во реализацијата на проектите кои што беа барани од граѓаните и значително ќе го подобрат животниот стандард во населените места каде што се имплементирани.
Над 120 милиони евра беа инвестирани во проекти кои што беа предложени во програмите на градоначалниците на ВМРО-ДПМНЕ и ја добија поддршката на минатогодишните локални избори.
Од овој вкупен квантум на реализирани финансиски сретства над 36 милиони евра беа инвестирани во патна инфраструктура која на граѓаните ќе им го подобри квалитетот на секојдневниот живот, но истовремено ќе значат и локален економски развој за локалните стопанства и фирми. Во првата година од мандатот на градоначалниците на ВМРО-ДПМНЕ се инвестирани 20 милиони евра за изградба и реконструкција на водоводна и канализациона мрежа. 19 милиони евра се инвестирани во изградба и реконструкција на објекти од областа на образованието а 9 милиони евра биле наменети за изградба и реконструкција на детски градинки.
Целокупниот фонд на финансиски сретства вклучува и инвестиција од 4 милиони евра во нови јавни површини, 7 милиони евра за објекти за спорт, 2 милиони евра за зачувување на животната средина како и 2,5 милиони евра за инфраструктурни проекти од областа на културата.
Оваа посветена работа и успех на градоначалниците на ВМРО-ДПМНЕ за која сведочат ваквите реализирани бројки се случува во време на наследени огромни долгови од претходните раководства во општините предводени од СДСМ, но и во услови на наметната општа криза во државата.
Според јавно искажаните ставови и политички определби од страна на секој еден градоначалник на ВМРО-ДПМНЕ реализацијата на уште поколем квантитет со зголемен квалитет на проекти ќе продолжи да се реализира и во претстојните години од нивните мандати.
