Ковачевски имал план и стратегија.
Прво, Владата нема стратегија, односно ја реализира бугарската.
Но, точно е дека Ковачевски има план. План како да ја манипулира јавноста.
Еве го планот:
1. Изработуваат договор и го нудат како европски,
2. Го прифаќаат договорот и прават лажна еуфорија дека почнуваат преговори со ЕУ.
3. Ако не помине кај народот, тогаш глумат херои и го одбиваат, но само времено.
4. Повторно кажуваат дека има некаков нов-подобрен предлог којшто го прифаќаат.
5. Глумат некакви консултации со некаков граѓански сектор кој што го плаќаат со народни пари, а најголемата МАКЕДОНСКА партија со најголем број пратеници, градоначалници и советници ја заобиколуваат.
6. Го заобиколуваат Собранието како највисок претставнички дом на граѓаните.
7. Владата, во ек на годишни одмори, за неколку дена отако глуми некаква транспарентност, прифаќа договор што никој здраво-разумски Македонец не би се осмелил да помисли да го дискутира, а не да го прифати.
8. Види точка 2.
А еве што прифаќаат:
1. За македонскиот јазик немало фуснота, демек само еднаш ќе се кажело дека е дијалект на бугарскиот во некој записник и толку. (?!) (Ова е отстапување дури и од потпишаната Декларација на Љубчо Георгиевски и Иван Костов во 1999).
2. Нема отворање преговори без да се внесат Бугарите во Уставот (толку ли мислат дека никој не ги гледа последиците),
3. Дури и да се отворат преговори, нема напредок во преговорите без решавање на историските прашања под бугарски диктат и за кои веќе Бујар има прифатено рокови за решавање.
4. Целосна бугаризација на Македонците и идните поколенија.
Но тоа ниту за Бујар, ниту за Маричиќ не е проблем, затоа што 100 стапа по туѓ грб не болат.
Ковачевски е неважен, тој е само марионета поставен да ја администрира Владата на ДУИ.
Македонија мора да се избори за својата иднина, а оваа генерација Македонци мора да покажеме дека сме државотворен народ кој нема да го изгуби на зелена маса тоа што со крв е спечалено од генерации пред нас.
Протест пред Влада денеска, 19.00 часот.
-фејсбук статус на пратеникот Драган Ковачки од ВМРО-ДПМНЕ.
