Со влегувањето на Министрите и заменик министрите во техничката влада од ВМРО-ДПМНЕ почнаа на површина да испливуваат дефектите на системот на државата за кој што Зоран Заев и СДСМ со сите негови портпароли и гласноговорници кажуваа дека блескаат.
Еден таков случај е и случајот на Јавната установа ,,Специјален завод – Демир Капија” каде што во работна посета беше Министерката за труд и социјална политика Рашела Мизрахи во текот на вчерашниот ден.
Од таму таа упати грозоморни слики на состојбата на оваа јавна установа која е надлежна за животите и здравјето на одредена категорија на Македонски граѓани на кои им е потребна огромна помош и соодветни услови на третман.
Во продолжение во целост ја пренесуваме реакцијата на Министерката Мизрахи упатена во јавноста по тој повод:
“Синоќа бев во посета на Јавната установа ,,Специјален завод – Демир Капија”.
За хуманоста во условите во коишто престојуваат овие корисници не можам да зборувам. Овие услови се нехумани, нечовечни. Ова е чист ужас. Од најавените поправки на Специјалниот завод можеме да најдеме исфарбани ѕидови, додека водоводната и електрична инсталација е сѐ уште онаа од 56-та односно 58-ма година. Условите за хигиена се никакви, луѓето се препуштени сами на себе. Од помпезните најави можам да го кажам следново: на почетокот на владеењето на Социјалдемократскиот сојуз оваа установа имала 227 корисници со 41 неговател. Тоа значи еден неговател секој ден се грижел за 6 корисници. Мисијата е невозможна. На еден корисник треба да има еден неговател. “
