Претседателот на Унијата на млади сили на ВМРО-ДПМНЕ Јован Јаулески вечерва со своја објава упатена во јавноста најави победа на ВМРО-ДПМНЕ која ќе биде предводена од младите во државата.
Во продолжение го пренесуваме неговото соопштение упатено до јаvноста во целост:
“Ќе го цитирам големиот Винстон Черчил, кој рекол:
,,Немам друго што да ви понудам освен крв, труд, солзи и пот.”
Јас ви го давам и последниот мој атом, мојата последна капка пот и ви ветувам чесност, беспоштедна битка за да ја поразиме тиранијата која ни ја уништи Македонија, ни го избрка нашиот другар, брат, комшија од родната грутка и за жал – ни ја продаде татковината.
Ни го избриша сето она за кое крв се леело, ни го урна сето она кое со векови и камен по камен е градено.
Стојам пред вас и ви давам збор дека сѐ ќе промениме.
Ќе победиме по секоја цена, ќе победиме во секој град, секое село, секое населено место и повторно ќе се врати достоинството на Македонецот.
А победата ќе ја предводат младите, ќе ја донесат УМС, тие кои деноноќно се боревме и ќе се бориме и после 12 април.
УМС, победуваме!
Да живее Македонија! 🇲🇰💪”
