Очигледно дека постојат луѓе кои се уште не можат да сватат дека ефтини финти од ваков тип не поминуваат кај народот. Се уште некој дебело платен од парите на Македонскиот народ не сака да се соочи со реалноста дека овој народ не се идентификува со терминот на “с” во кампања која треба да промовира нешто што реално не постои. Туристите кои доаѓаат во Македонија најверојатно не доаѓаат да ги посетат окупираните институции кои се идентификуваат со терминот на “с”. За волја на вистината туристи од типот на амбасадори сакаат да доаѓаат во овие институции, и да го слушаат нивното чедо- терминот на “с” како им ѕвони во ушенцата, но најголемиот број на туристи доаѓаат да ја посетат онаа Македонија која свој културолошки-општествен континуитет влече со векови наназад. Онаа Македонија која не се идентификува со терминот на “с”.
Ваквото позиционирање на овие скапо платени маркетинг кампањи немаат поголем реален импакт врз овој втор вид на туристи од кои Македонија очекува да оствари свој економски интерес.
Оттука парите потрошени од Буџетот на Владата се трошат ненаменски и непотребно во однос на постигањето на некаков туристички ефект, но затоа имаат друга поширока улога.
Наспроти “обландата” која ја пакуваат со етикета “туризам” оваа кампања има за цел во меѓународни рамки да создаде искривена, извитоперена слика за фактичката состојба и со пари на Македонските граѓани да креира меѓународна пропаганда за деноминација на тој Македонски народ по сите негови идентитетски обележја.
Крајно перфидно, безобразно, нечовечно и криминално.
Во објавата на фејсбук и на англиски и Македонски најпрво се спомнува наметнатата конструкција “North- Северна” за потоа во “генијално” смислените хаштагови истата “вешто” (на ниво на првооделенци) овој термин се крие како дел од некој друг збор кој иде во функција на бетонирање на истата како термин за препознатливост и октроирана перцепција.
Па одозгора на се тоа дури и очекувањата на “Безвременска Македонија” се дека народот ќе почне масовно да ги користи ваквите хаштагови (тоа е и основната функција на хаштагот)….
Се што треба да направите е да ги користите следните хаштази…
-велат од ова пропагандно гнездо на Северџганистан преку платената со народни пари кампања за поништување на Македонскиот идентитет!
Можам само да апелирам за овој слоганот на нивната кампања “Macedonia Timeless” да не го злоупотребуваат затоа што на овој начин како што го користат само говори за нивната неукост и неинвентивност во спротивносст со нивните пропагандни намери.
Од оваа ситуација само се наѕира неукоста, неспособноста и збунетоста на овие т.н. пиарџии кои за да ги оправдаат своите дебело платени фотелји “мочаат наспроти ветрот”, за кога тогаш таа нивна урина да се врати на нивните лица!
Во продолжение го пренесувам интегрално текстот на објавата на фејсбук страницата на Macedonia Timeless
“New social media concept that will help to spread the good word and promote the beauties of the Republic of North Macedonia around the world through a photo brochure made out of YOUR shared photos on social media channels. All you have to do is to use the following hashtags:
👇
traveliNMacedonia,
captureiNMacedonia,
natureiNMacedonia,
discoveriNMacedonia
Нов концепт на социјални медиуми кој ќе ни помогне да го рашириме убавиот збор и промовираме убавините на Република Северна Македонија низ светот преку фото брошура која ќе ги содржи ВАШИТЕ фотографии од социјалните мрежи, означени со следните хаштази 👆”
Пишува: Кирчо Анастасов


