По изнесените куп јавни обвинувања на сметка на поранешниот директор на ЈП Водовод Скопје, од страна на градоначалничката на Град Скопје Данела Арсовска во однос на работата на сега веќе поранешниот директот Златко Перински денеска тој се обрати во јавност со барање за јавно извинување кон градоначалничката на Град Скопје.
“Во понеделникот, од страна на градоначалничката на Скопје Данела Арсовска, беа изнесени повеќе невистинити тврдења за факти штетни за мојата чест и углед, кои што потоа се пренесени преку соопшение за јавност од Град Скопје.
Целосно манипулација и лага се тврдењата на Арсовска, дека на било каков начин сум демонстрирал самоволие и несоодветно постапување, во постапка за милионски тендер.
Вака објавените информации се целосно неточни и претставуваат клеветничка изјава, која го нарушува мојот углед и чест. Како човек секогаш сум работел одговорно, професионално и со одлични резултати зад мојот минат труд, и нема да дозволам вакви навреди и институации.
Барам Арсовска јавно да се извини, во спротивно, доколку не постапите по ова барање, во законски предвидениот рок од 48 часа, ќе поднесам тужба за утврдување граѓанска одговорност за клевета.”
-фејсбук статус на Златко Перински
