Успешноста на еден градоначалник се согледува врз основа на широкиот дијапазон на проекти кои ги реализира од интерес за сите граѓани со своите различни потреби и очекувања од локалната самоуправа.
Во тој контекст градоначалникот на Штип Иван Јорданов во рамки на неговите определби покрај задолжителниот фокус на ветените големи капитални проекти за Штип и штипјани, посветува големо внимание и на реализацијата на помали проекти кои што директно се однесуваат на подобрување на животното секојдневие на сите граѓани.
Во текот на изминатите неколку денови беше реализирано сообраќајно поврзување на улиците Пиринска и 4 -ти Јули со што жителите кои гравитираат во овој дел од градот добија функционална и ефикасна врска за подобро движење во рамки на нивното секојдневие.
“Уредуваме уште на една локација во нашиот град.
Врската меѓу ул. Пиринска и ул. 4ти Јули, во износ од околу 350.000 денари буџетски средства е мал проект за Општина Штип, но со истиот решивме децениски проблем за жителите во овој дел од градот.”
-соопшти градоначалникот во врска со реализацијата на овој проект.
