Лето Господово 2001-во!?
На Тв класична драма за војна на Балканот у некоја вукојебина од милион жители на кубен, а Каранфил се крие како топка под бела колуша! Драма за смеата, филм за филмот во кој бевме вовлечени со цел да се дигне анимозитетот и меѓучовечкиот антагонизам…филм во кој, чекај бре, да се вратиме на нарацијата!?
Просечна фамилија со минимални примања гледа некоја си драма на Тв, од некој си забеган режисер за некој си забеган режим, за некој си забеган урбан херој. Го пијам кафето и си мислам: А бре овие ја сј…аа државава, абер да се немало од патриотизам, од гола болка, од смрдена плата од 12 000 а сметки куп…си реков идам резервиста!?
Да му се плукнам у животот без држава и слобода на говор. Сенки на сите страни прават луди пари, џипови фрчат, не знаеш кој кого ј….и се почна тука, и така…
2001-та, убаво се сеќавам отидов пијан у касарна и некое си водниче ме пречека со строг тон во гласот небаре мајка му …ај пристојност!
Поминаа првите денови обука и еден ден не викаа новопечени водници за заштитарска стража. Накратко обезбедуваме заден влез на болница и влез на Служби. Овде една Тетка од светски ранг, супер Тетка секој ден доаѓаше на работа насмеана чунки цела држава е у нејни раце. Си мислев колку е способна женава а марксист?
Не нападна Племето, пукав, погодив Сенка, и потрошив куршив за имагинарен лик!
Никогаш не му го научив пасвордот за твитер, оти тој и не постоеше. Се шо знам е дека се молев на племето Волци, да оправдаме употребата, да се спасиме од одмазда од племето Сенки. Имаше и други Ѕверови у тоа време, така да успеав, спасив гз и останав и жив и недопрен. И не свесен дека у тоа време војниците, т.е. Ние бевме само опрема. Подоцна разбрав.
Поглавје два-Криминали
Бев овластен водник за целата храна и лекови кои како логистичка подршка се движеа од Петре па се до 33 дупки. Кај ти фура, и едно забутано селце кај шо Господ фрлил камен пред десет века. Правевме рутинска контрола со Магационеротот, Екимот и Нинџата. Оваа комисија беше само за на Покер табла. Екимот-жена, Магационерот-пијандура а Нинџата-калаштура, јас бев добро граден, физички подготвен, бивши каратиста, стрелец и т.н. Маринец!
Требаше тој ден за горенаведените села кои беа главни точки да се однесе храна и лекови за нашата силна армада. Проверивме се рутински, се ок и ај да седнеме, кога нешто ме враќа назад, кашлам како луд…настинат, болен вртам поглед и гледам еден огромен куп прекриен со цирада од камион. Ај си викам, некој отпад којзнае што е?!
Прва грешка!
Втората беше кога случајно го прашав војникот до мене за исфрлање ли е купот! Он се насмеа, ми вика: човек ќе се носи горе, на Гуштерите, на луѓето кои ползат за да другите живеат.
Како бе?-му викам.
Еее, вели, тоа е. И во тој момент се ми се сложува во глава, раката сама оди накај церадата, отворам и паралела: сувомеснати производи, лекови, конзерви со храна, опрема, ама се со поминат рок. И тоа доста поминат. Си била , а бре човек, ова не е ок. Ама ич. Нема шанси ова да и го направам на државата.
Накратко, пријавив кај надлежниот, на Екимот, добив укор од вториот а првиов ме казни со тенковите и правец фронтот. Е ако, тоа е си викам. Сам си си крив. Кога многу мелеш. Борецот за правда!? Е сеа ќе го кркаш!И тоа дебело. Цела недела помина откако почнав да спијам по два-три саата на ноќ, се беше една ноќна мора. Ама мораше, морално беше. Затоа па денес Екимот е Декан, Магационерот е главен у парламент а Претпоставениот главен градител у урбаната мафија. Е тоа е. А јас бев исфрлен од комисија за попис. Експресно ставија друг. Криминалот продолжи. И ден денес се сеќавам на фирмите кои вртеа бизнис со армадата. Ама тоа си е моја работа. Јас сум мирен. Војникот кој ме замени после две години почина од инфаркт. Јбг, млад човек, така му било ,, пишано”?! И сам не знам повеќе! А и не е важно.
Јас разбрав дека самите мора да ја прележиме и оваа болест. Политичка болест, а воедно кога со индигнација сакаш да екстрахираш од растителни видови на еднинки од множина во мафија у униформа, ама истите се хранат со прљави пари и трач рубрики. Заедно со силата на нашите антагонисти вирееме сеуште на парче земја која сега е ископана, до трт пој…. а од вакви здружувања, исповраќана со лаги, недостиг од морал и барања за поткуп и гаден Рекет.
Не очекувам младите да разберат харизма и ликови со кураж од минатото.
И утре ке има сончеви денови и денови на срања. А кога црните гаврани ќе го испосерат политичкото небо ќе барате промоција на вакви ко мене ама нема да не најдете. Ќе бидеме далеку одовде со нострифицирани дипломи. И вака завршува мојот курс по германски а започнува борбата за работна виза. Ви се плукнам у војната ви се плукнам!
Сите не излажавте. Е сега можете слободно да правите пари. Мојата фамилија и јас ќе бидеме на помирно место, каде син ми и ќерка ми да се замараат со политика. Овие другиве не се ни сперматозоиди а камоли патници. За оплодување да не дискутираме. Јас заминувам, за вас не знам.
Овие персони се квасец без маја и никогаш нема да нараснат!
Пишува: Св. Архангел Командант
