Обилните врнежи од дожд кои го зафатија регионот во последното деноноќие повторно предизвикаа поголеми одрони на карпи на регионалниот пад Делчево-Кочани.
Граѓани кои што сообраќаат секојдневно по овој патен правец ги алармираат сите кои планираат да патуваат по овој пат тоа да го направат со најголема доза на претпазиливост, затоа што од косините над самиот коловоз паѓаат поголеми карпи кои што го попречуваат сообраќајот и предизвикуваат огроман безбедносна закана за патничките возила.
Неколку граѓани со свои фотографии упатени до јавноста преку локалниот портал Делчево365.мк исто така реагираат за сериозноста на самата ситуација и опасноста од одрони кои се видливи на коловозот.
Од АМСМ до сега немаат информација за блокираност на патот Делчево-Кочани, само ја алармираат јавноста за можност од појава на одрони.
