Се заострува политичкото екипирање на политичките субјекти во Делчево во очекување на претстојните Предвремени парламентарни избори на 12 април.
Експертот за маркетинг и односи со јавност кој што е актуелен како креатор на идејата со т.н 30 прашања за функционерите на СДСМ во Владата, Коста Петров деновиве беше на работен состанок во Општинската организација на СДСМ во Делчево.

Состанокот во партиското седиште на СДСМ со Потпретседателот Коста Петров веројатно е во функција на претстојните Предвремени парламентарни избори и пропагандните активности кои што овие раководни лица ќе треба во наредниот период да ги одработат за СДСМ пред изборите.
Од објавените фотографии од состанокот може да се забележат главните активисти на СДСМ во Делчево кои внимателно ги слушаат насоките на експертот за пропаганда Коста Петров.
Тука се Градоначалникот на Општина Делчево, Пратеничката во Македонскиот парламент Мира Стојчевска, директори, раководители, функционери, Советници на СДСМ, вработени во администрацијата и останати истакнати активисти.

Фото извор: СДСМ Делчево


