Владеачкото мнозинство во Македонскиот парламент во спрега на претседателот на собранието и централната власт како дел од нивните политики речиси да го урнисаа институтот “пратенички прашања”. Отсуството на оваа демократска алатка во јавноста остава впечаток дека власта се плаши од јавноста да дискутира за сите политички прашања за чиешто решавање се платени од парите на граѓаните да ги решаваат,
Во таа насока денеска во рамки на седницата посветена на пратенички прашања која се одржува по подолго време со каснење реагираше пратеникот Александар Николоски во форма на полупроцедурална забелешка.
Потоа со прашање до претседателот на Владата Димитар Ковачевски Николоски се обрати од собраниската говорница:
Македонија се соочува со континуирана национална катастрофа години наназад, не само во последните месеци. Директно негирање на Македонскиот национален идентитет, Македонскиот јазик, култура, историја, традиција… Македонскиот народ.
Македонија како што сите знаеме направи болен компромис и го промени и името на државата преку промена и на уставот. Како тоа да не е доволно паралелно ни се случува економска пустош, инфлацијата галопира, на основните производи е некаде и над 100%. Електричната енергија континуирано поскапува, граѓаните во овие денови се во исчекување на ново поскапување на електричната енергија, кое што за домаќинствата најверојатно ќе достигне и до 130%, а за компаниите веќе сите добро знаат дека е над 500%, како и за институциите, односно сите оние кои што се на т.н. слободен пазар, веќе плаќаат и за 5 пати повисоки цени за електрична енергија, што неминовно ќе донесе до економски застој и до за жал затварање на работни места.
Секоја недела очекуваме и се случува ново поскапување на горивото како и на основните прехрамбени производи. Секоја недела гледаме како одредена категорија земјоделци изкажува незадоволство од актуелната состојба, како која култура доаѓа на ред, така го гледаме незадоволството. Последно е на пример со оние кои што одгледуваат пченица и житни култури.
Да не зборувам за тоа да нема ден да нема штрајк и тоа дека има една општа депресија помеѓу народот, што за мене е најболно имајки предвид дека нивото на депресија кое што го гледам помеѓу луѓето можеби е незапаметено помеѓу луѓето во Македонија, што поттикнува голем број за жал да си заминуваат. Има секојдневни скандали, тендери во 4 очи, неразјаснети спорни јавни набавки, превземање на компании за однапред познати сопственици, пред се на истокот од државата, како и креирање на политики и закони кои што одат во корист само за едни.
На сето ова се надоврзува и политичката криза и состојбата која што ја имаме и во собранието а и помеѓу нас како политички партии, имајки предвид дека практично вештачки се одржува мнозинството после минатогодишните локални избори кога убедливо победи опозицијата, што беше јасно изразување на народната волја, разликата не беше еден или два градоначалници. Разликата беше драматичка 42 на некаде 16 градоначалници што јасно покажува какво е расположението на народот. Во вакви услови, во услови на национална катастрофа, во услови на економско опустошување на корупција која што цвета и на немање на јасни планови во економијата граѓаните си поставуваат бројни прашања. На пример никој не знае дали ќе има парно греење во зимата во град Скопје, затоа што се носат нејасни одлуки или никој не може јасно да си одговори што ќе се случува со цената на основните производиили што ќе се случува со цената на електричната енергија, во услови кога граѓаните не гледаат јасен план.
Затоа сакам да го прашам претседателот на владата:
Дали мислите дека во Македонија се живее добро, дали не мислите дека е време за оставка и предвремени парламентарни избори ?
