Интегрален текст на прес конференцијата на Георгиевски Перо-член на Комисија за економија:
“Честото менување на законскате регулативи, во вонредната состојба, со Уредбите со законска сила, но и законите од областа на даноците донесени пред избувнување на Covid 19, од власта предводена од СДС, го зголемуваат ризикот во работењето и го оневезможуват ефикасното даночно планирање на компаниите.
Како пример: -Уредба за финасиска помош за исплата на плата на работниците за месец април и мај на компаниите погодени од кризата беше променета пет пати.
Истата беше со нејасни и непрецизни критериуми за аплицирање, со неподготвен технички систем на УЈП за обработка на барањата, односно на податоците кои компаниите требаше да ги достават и предизвикаа многу компании да се откажат од користењето на финансиската помош.
За честото менување на законски решенија и даночните политики пред вонредната ќе го спомнам законот за данокот на личен доход. Без консултации со економските експерти, без консултации со стопанските комори и самите компании, најчесто по брза постапка донесувани брзи Закони во Собрание кои предизвикуваат несигурност во работата на приватниот сектор. Токму оваа влада на почетокот во 2019 година се обиде да воведе прогресивно оданочување со стапки од 18% за данокот на личен доход на работниците кои остваруваат нето плата повисока од 90.000 денари за само после неколку месеци да се предомисли и повторно да го измени ова законско решение и да го одложи за период од три години и да се врати на даночната стапка од 10%. ВМРО-ДПМНЕ предупредуваше, се обидоа и ништо…
Битен елемент за странските инвеститори кои сакаат да инвестираат во земјава е даночната сигурност и јасните критериуми за работа. Македонската економија е мала и отворена економија. Брзите промени на законите секогаш ќе резултираат со несигурност кај инвеститорите. Се што прават, прават скриено и на брза рака, без консултации од експерти и само за лични интереси. Какво судство таква економија, трас трас и готово…
Сведоци сме каде што неколку странски компании имаат поднесено тужби против државата. Последен пример каде што државата го загуби спорот пред Управниот суд од една странска компанија која што доби дозвола за градба на рудник во селото Иловица а после и беше одземена дозволата за работа.
Друг недостаток од честото и брзо менување на правилата и законите во даночната сфера е зголемувањето на сивата економија. Македонското стопанство се потпира на микро, мали и средни претпријатија кои често немаат човечки ресурси за навремено и правно следење на овие измени. Поради тоа претпријатијата имаат потешкотии при имплементирањето на законите и подзаконските акти. Од владењето на сдс во изминатите три години можеме да заклучиме дека имаа ПРЕМНОГУ ЧЕСТИ, БРЗИ И НЕПОТРЕБНИ ЗАКОНСКИ ИЗМЕНИ кои во крајна мера го отежнуваат работењето на компаниите.
Со ваква Нормалност трпат и домашните и странските инвестиции.
Неспособна власт продуцира само загуби а не прогрес.
Ви благодарам”
