Од општинскиот комитет на опозиционата ВМРО-ДПМНЕ од Штип денеска реагираа за недомаќински однос на локалнитњ власти кон постојната комунална инфраструктура во градот.
Филип Мајсторски од ВМРО-ДПМНЕ ги критикуваше локалните власт и градоначалникот Бочварски за негрижа за пешачката патека покрај река Брегалница. Во продолжение интегрално ја пренесуваме неговата прес конференција:
Почитувани сограѓани,
„Шерифите“ од СДСМ, не само што не успејаа да обезбедат победа во Штип за нивната партија, туку не можат да го извршат ни она што им е секојдневна работна обврска. Пешачката патека покрај река Брегалница, втора година тоне во пустош и заборав. Најубавото нешто кое му се случи на Штип и кое беше наменето за секој граѓанин на нашата општина, станува нерепрезентативен дел од градот.
Минатата пролет во неколку наврати ја потсетувавме власта дека е потребно континуирано одржување на патеката, но таа остана глува за нашите молби.
Лошата слика којашто ја гледаме никој не го остава рамнодушен, а самата власт на СДСМ треба да се срами. Наместо тревата веќе да се косеше по втор пат, таа не и искосена ниту еднаш. Од неа веќе демне опасност од животни. Корпите за отпадоци не само што се преполни со ѓубре, туку голем дел од нив се веќе надвор од употреба. Ниту некој превзема одговорност да ги поправи, ниту да ги замени со нови. Отпадоци од корисниците на патеката има на сите страни, но не по вина на граѓаните, туку затоа што не постојат корпи каде би можеле да се фрлаат.
Од друга страна пак, игралиштата, Скејт паркот и спортските терени кои се ветуваа за разубавување на патеката, се толку нереални, што веќе никој не ги споменува.
СДСМ се без компас! Немаат реализирано ниту еден нов проект, а не се грижат ни да ги зачуваат веќе постоечките. Но, трагедијата не е во тоа. Трагедијата е во нивната неинвентивност и негрижа, која е врз грбот на невините граѓани.
