Почитувани сограѓани,
Локалната власт на СДСМ постизборно ќе продолжи со нови вработувања во ЈКП Солидарност. Откако го дуплираа бројот нa вработени преку Агенцијата за привремени вработувања за само година ипол владеење, сега директорот на последната седница на советот на општина Виница најави најмалку 15 вработувања и на неопределено по завршување на претседателските избори.
Дека нема да престанат со пополнување на сите испразнети места во ЈКП доволен показател е планот на вработување за 2020-та година со кој се планираат 26 нови вработувања.
Планот за вработувања за 2020-та година практично претсавува дополнување на планот за вработување за 2019-та година со кој пак се планираат 20 нови вработувања и кој според најавата на директорот на совет ќе биде реализиран од најмалку 75%.
За скандалот да биде поголем советниците од СДСМ дадоа поддршка за план за вработување без да знаат колку средства од буџетот на ЈКП ќе се издвојуваат за новите вработувања.
А дека не станува збор само за послабо платени работни места е фактот што со планот за вработување за 2020-та година се предвидуваат и 7 раководни места и тоа: Раководител на сектор за комунална хигиена, Раководител на одделение за јавна услужна хигиена, Раководител на одделение за човечки ресурси, Раководител на финансиско одделение и сметковдство, Раководител на пазар, Раководител на одделение за фабрика за вода и Раководител за управување со гробиштата.
Од тука се поставуваат прашањата на кои граѓаните на општина Виница заслужуваат одговор. Како до сега функционираше ЈКП Солидарност без сиве овие раководители на сектори и одделенија? И дали покачувањето на водата наредната година ќе биде доволно за обезбедување на плата за ново вработените или граѓаните треба да очекуваат ново покачување на цената на водата и 2021-ва година?
Ви благодарам.
