На 09.11.2022 на подрачјето на ПС за ГП и ГН Деве Баир, полициски службеници организираа едукативна превентивна активност „ Превенција од гранични инциденти, заштита и спасување од повреди при природни непогоди и движење во планински услови”, на која присуствуваа претставници на здруженија на граѓани – планинарски друштва,еколошки, извиднички, мотокрос клубови итн.
Учесниците беа запознаени со одредби од Законот за гранична контрола, кои се однесуваат на движење во близина на граничната линија и известување на службите согласно законот, како и постапување на надлежните институции од системот за известување и тревожење во случај на потреба од помош.
Извор: МВР
