На градскиот плоштад во Охрид, присутните ќе имаат можност да проследат промоција на турската култура. Настанот е за промоција на турската култура од страна на општина Кучукчекмеџе во соработка со институтот Јунус Емре и општина Охрид.
Во текот на двата часа, ќе се прикажат народни ора од различни предели на земјата, куклена претстава Хаџиват и Караѓоз, дервишки танц, како и техники на уметностите Ебру, Бакар и Калиграфија. Со цел подобро да се почуствува турската кулурна традиција посетителите ќе бидат послужени со турско кафе, османлиски маџун и шеќерен памук.
