Со доаѓањето на новиот градоначалник на општина Лозово Бошко Цветковски на чело на ЕЛС Лозово по изборите минатата година, се отккочи реализацијата на проект започнат во 2010 година, кој поради разно-разни препреки беше одолговлекуван цели 10 години.
Станува збор за реализација на приватна инвестиција за изградба на нови ветерни и фотоволтаични електрани на територијата на општина Лозово. Постапката продолжува со парцелизација на градежното земјиште по што ќе се премине на постапка за одобрение и физичка градба на електраните.
Во врска со реализацијата на овој проект свое соопштение до јавноста упати и Градоначалникот Цветковски чиј што текст во продолжение интегрално го пренесуваме:
“Почитувани граѓани,
Во време кога Република Македонија се соочува со недостаток на електрична енергија од голема важност е искористување на обновливите извори на енергија.
Општина Лозово ќе го искористи потенцијалот што го поседува со искористување на ветровите во ова подрачје и сончевата енергија.
За таа цел би сакал да ве известам дека отпочната е процедура од приватен инвеститор и наскоро во Општина Лозово ќе бидат изградени ветерни и фотоволтаични електрани во м.в. Кантон во с. Ќоселери 
Проектот е започнат уште во 2010 год. со изготвување на локално-урбанистичка документација за ветерен парк м.в. Кантон во 
с.Ќоселери. Оваа година проектот продолжува со проектна програма за изработка на урбанистички проект за парцелно градежно земјиште за изградба на ветерен парк Кантон (ветерни и фотоволтаични електрани) во с.Ќоселери.
п.с. Создаваме нова иднина
Иднина на #Промени , #Проекти и #Победи“
-соопшти Бошко Цветковски- Градоначалник на општина Лозово.
