Квалитетната услуга на општинските власти предводени од Градоначалникот Иван Јорданов во Штип добива своја конкретна манифестација во рамки на реалиацијата на зацртаните проекти.
Деновиве одкако претходно целосно беше извршена промена на старите и дотраени водоводни и канализациони цевки на повеќе улици, започнаа подготвителните работи за асфалтирање на самите коловози на овие улици.
На ваков начин локалните власти вршат целосна оптимализација на буџетските сретства на самите граѓани и нивно оптимално искористување во реализација на предвидените проекти од инфраструктурен карактер.
Наспроти некогашната пракса за раскопување на улици и тротоари пред избори, градоначалникот Јорданов со внимателно планирање успева да ги реализира проектите кои што во значителна мера ќе го подобрат квалитетот за живот на штипјани.
“За прв пат во Штип етапно се изврши промена на водоводна и канализациона подземна мрежа на ул. “Солидарност”, “Браќа Даневи” и “5ти Конгрес”, па од денес се започна со припрема за асфалтирање.
Откако ќе се истрасираат и подготват сите три улици, ќе се пристапи кон нанесување на првиот асфалтен слој во согласност со временските услови.
Со завршување на овој проект го исполнуваме даденото ветување дека секоја населба ќе добие модерен, функционален и урбанизиран изглед.”
-ја информираше денеска јавноста градоначалникот на Штип Иван Јорданов.
