Вљубениците на пишаниот збор имаа можност да присуствуваат на промовирање на романот „Одбројување“ и да си обезбедат примерок кој го потпишуваше авторката Фросина Пармаковска , организиран од Општина Кочани, Библиотеката „Искра“ и Фондацијата „Славко Јаневски“, реализиран пред кочанската публика. За делото зборуваше Ѓоко Здравевски, а извадоци од романот читаше Мери Каровска.
Пармаковска истакна дека тоа што делото е прогласено за најуспешен роман во 2017 година е посебно значаен момент што придонесува за негова дополнителна афирмација
– ‘ Наградата „Роман на годината“ се доделува по 19. пат. Досега ја доделуваше Утрински весник кој за жал згасна минатата година, но една екипа ветерани од тој весник сфатија дека со згаснувањето на весникот ќе згасне и една убава традиција на доделување на наградата, па затоа решивме да направиме фондација која ќе ја продолжи наградата. Сега сакаме романот на годината да биде промовиран во повеќе градови од државата’ изјави Звездан Георгиевски од Фондацијата „Славко Јаневски“.
