Пропаста на INF-спогодбата (Спогодба за нуклеарни проектили со среден дострел) во минатиот петок ја отвара Пандорината кутија за можни опасни последици.
Неколку денови поминаа откако САД се повлече од спогодбата од времето на Студената војна со Русија, а Претседателот на Руската федерација, Владимир Путин во понеделникот изјави дека земјата ќе започне да развива нов тип на нуклеарни ракети со краток дострел, ако тоа САД први го направат.
Ако Русија обезбеди доверливи информации дека САД го завршила развојот и започнала со производство на овие системи, Русија нема да има друг избор освен да се впушти во целосен напор за развој на слични проектили,
-изјави Путин во понеделникот.
Рускиот лидер го критикуваше петочното повлекување на САД од спогодбата која датира од 1987 година потпишана помеѓу Роналд Реган и Михаил Горбачов, за што изјави дека овој потег сериозно ја разнишал ситуацијата во светот и ги пофигнал безбедносните ризици во целост.
INF спогодбата забрануваше употреба на интерконтинентални проектили со среден дострел од 310 до 34000 милји (500-5500 км), со што беше редуцирана можноста на двете земји да лансираат нуклеарен напад за краток период..
Сад ја обвинуваа Русија дека го прекршува договорот, додека Русија изјавуваше дека прекршувањето на спогодбата лежи во Вашингтон.
