Рекреативна велосипедска тура по повод 30 август „75 години слободна Виница“ веќе е подготвена. На 31 август со почеток од 09:00 часот, со стартна позиција од Градскиот стадион во Виница, ќе стартува средно тешката тура со должина од 40км 600D+ на релација Виница – Калиманско поле – Виница поминувајки преку Јакимово, Црн Камен, Грлани и Драгобраште, со уникатни погледи кон виничка котлина и падините на Плачковица.
Попатно е организирано да следи возило со логистичка поддршка и потреба од освежување. Учеството е бесплатно и во турата може да учествува секое полнолетно лице (или малолетно во придружба на родител или старател) кое се чувствува физички подготвено за повеќечасовно возење велосипед.
Секој учесник задолжително треба да има технички исправен велосипед и пожелно е кацига. Облека според најавените временски услови и шише за вода,
Секој учесник во турата вози на сопствена одговорност и според своите можности. Настанот е подржан од општина Виница. На крајот од турата е обезбеден оброк за секој од учесниците.
