На последната седница на Советот на Општина Виница советниците од редовите на СДСМ не ја поддржаа одлуката за давање на правото на користење на мержата на јавното осветлување на територијата на општина Виница на јавното претпријатие Кале од с. Блатец. Со тоа општината ќе биде соочена со сериозни финансиски последици поради зголемувањето на цената на струјата.
Вакков е ставот на градоначалникот Миле Петков во врска со неодговорното политичко дејствување на советниците на СДСМ во општинскиот совет со кое граѓаните на виница ќе бидат приморани да плаќаат повеќе пари за улично осветлување преку општинскиот буџет.
“Почитувани сограѓани мора да го истакнам моето разочарување од советниците од советничката група на СДСМ и Коалицијата кои на последната седница на Советот на Општина Виница се ставија спротивно на интересите на Општина Виница и на граѓаните.
Со нивното негласање на Предлог-Одлуката за давање на правото на користење на мрежата на јавното осветлување на територијата на Општина Виница на ЈП Кале од с.Блатец, општината ќе се соочи со сериозни финансиски импликации како резултат на драстично зголемената цена на електричната енергија која општината моментално ја набавува на слободниот пазар.
Само за месец август Општина Виница има добиено сметка за струја зголемена за 1,1 милион денари споредено со месец јули, поради тоа се одлучивме да побараме од Советот да ни дозволи префрлање на правото на користење на мрежата на јавното осветлување на ЈП Кале-Блатец, кое ги исполнува условите да учествува на регулираниот пазар за електична енергија, со што општината ќе плаќаше најмалку 3 пати поевтина струја.”
-информираше градоначалникот на општина Виница Миле Петков.
Но нема да застанеме тука, во најскоро време ќе се обидеме на друг начин да дојдеме до набавка на електрична енергија на регулираниот пазар и со тоа да заштедиме десетици милиони денари пари на граѓаните на Општина Виница.
