Пратеникот Иван Јорданов од ВМРО-ДПМНЕ и Коалицијата за обнова на Македонија од Штип Иван Јорданов денеска во јавноста упати своја реакција во врска со активности кои што владеачката СДСМ ги спроведува во овој град каде ќе се одржат предвремени избори за градоначалник на 13 Декември.
Јорданов го обвинува локалното раководство на СДСМ дека принудуваат граѓани да дадат поддршка во вод на свои потписи за нивниот партиски кандидат за градоначалник кој што сакаат да го претстават како независен кандидат.
Во продолжение во целост ја пренесуваме реакцијата на пратеникот Иван Јорданов упатена до јавноста преку социјалните мрежи:
“Власта на СДС, денес повторно докажува дека нема намера да спроведе фер локални избори во Штип. Во зградата на Општина Штип денес сме сведоци на груба манипулација и злоупотреба на граѓаните. Имено, СДС принудува граѓани да дадат поддршка со потписи за партиско лице на СДС кое на изборите имаат за цел да го претстават како независен. Во оваа принуда има сериозни идниции на поткуп на граѓани за да го дадат својот потпис, за што говорат и нивните сведоштва. Помеѓу оние кои го даваат својот потпис може да се забележат директори и видни функционери на СДС, што само потврдува дека „независниот“ не е навистина независен туку партиски кандидат на СДС. Единствена цел со овие злоупотребни на СДС е надежта дека така ќе одземат гласови на опозицијата. Ова го прават во очај знаејќи го фактот дека губат и кај граѓаните и на сите анкети. Господа, ситно броите, поразот ви е неизбежен, а за злоупотребите соодветно ќе одговарате.”
