Порталот Дудинка.орг објавува поразителна информација за голем број семејства од Тиквешијата.
За два до три месеци ќе следува затворање на фабриката дознава порталот од извори ид фабриката.
Германската инвестиција во Тиквешијата, фабриката Дрекслермаер, ќе биде затворена во рок од неколку месеци.
Во погоните веќе нема трета смена, а на вработените им е кажано дека за два до три месеца фабриката комплетно ќе биде затворена.
Изворите на Дудинка потврдуваат дека германците фабриката ќе ја селат во Албанија.
Das Leben kam (дојде живот).
-пишува порталот.
Во фабриката која вработува околу 4000 луѓе се произведува електрика, електроника и ентериер на автомобили како и батериски системи за складирање.
Оваа информација пласирана преку порталот Дудинка не кореспондира со официјалната изјава објавена на веб сајтот на фабриката:
Согласно визијата и мисијата на DRÄXLMAIER Group, поддржуваме проекти од пошироко општествено значење и според нашиот донациски план поддржуваме проекти од областа на образованието, културата, спортот како и бројни социјални активности.
„Горди сме што во Кавадарци имаме Дрекслмајер фабрика која испорачува производ со врвен квалитет на нашиот клиент во Германија. Драго ни е што работиме и на нов производ за електричен автомобил, со што сигурно чекориме понатаму. Благодарни сме за досегашниот ангажман на сите наши вработени и остануваме фокусирани на истата цел и понатаму. Доброто на нашите вработени останува врвен приоритет за нашата компанија“,
– објавена од страна на Лукас Мирингер, генерален директор на ДММ Дрекслмајер Мануфактуринг Македонија ДООЕЛ, Кавадарци.
Како и да е останува да ги следиме информациите поврзани со овој значаен индустриски гигант кој обезбедува егзистенција за голем број луѓе во државата.
